10:37 10 Aprel 2020
Almaniya millisinin kapitanı Yurqen Klinsman AVRO-1996-da qələbəni qeyd edir

Almaniya dörd il sonra daha bir rekord qıracaq - statistika

© AP Photo / MAX NASH
Avro 2020
Qısa URL
2020

2024-cü ildə almanlar 14-cü AVRO-da çıxış edərək rekorda imza atacaqlar. Bəs Almaniya bundan başqa Avropa çempionatlarında daha nə ilə öyünə bilər?

BAKI, 19 mart — Sputnik. Növbəti Avropa Çempionatında Fransa ilə oyun Almaniya yığmasının Köhnə Dünya birinciliyinin final mərhələlərində 50-ci matçı olacaq. “UEFA.com” saytı Almaniya yığmasının AVRO-da çıxışlarının statistikasını təqdim edir.

Almaniya ilk dəfə 1972-ci ildə Avropa Çempionatında çıxış edib və o vaxtdan bəri heç bir final turnirini buraxmayıb. AVRO-2020-ni nəzərə almasaq, belə finalların sayı 12-dir. 2024-cü ildə Almaniya AVRO-nun ev sahibi olacaq, odur ki, bu seriya dəqiq 14-dək davam edəcək.

Almaniya milli komandası Avropa birinciliyini üç dəfə qazanıb (1972, 1980, 1996) və bu göstərici üzrə ispanlarla rekordu paylaşır. “Bundestim” sonuncu dəfə 1996-cı ildə Berti Foqtsun rəhbərliyi altında qızıl medalı qazanıb. Berti Foqts Avropa çempionatlarında həm məşqçi, həm də futbolçu kimi (AFR, 1972) qalib gəlmiş yeganə şəxsdir.

On iki AVRO-nun altısında almanlar finala çıxıblar. 1988-ci ildə Almaniya Federativ Respublikası (AFR) çempionatın ev sahibi idi, lakin yığma medalsız qaldı. Almaniya millisinin ən pis çıxışları 2000-ci və 2004-cü illərdə olub – komanda qrupdan çıxmayıb.

İndi isə Yoahim Lövün komandası ilə hər kəs hesablaşmalıdır. Statistikaya baxın və lərzəyə gəlin!

Almaniya AVRO-da necə çıxış edib?

Belçika fubolçuları
© Powered by UEFA.com. ©AFP/Getty Images

3 çempion (1972, 1980, 1996)

3 ikinci yer (1976, 1992, 2008)

3 yarımfinal (1988, 2012, 2016)

3 qrup mərhələsi (1984, 2000, 2004)

1 final mərhələsinə çıxmayıb (1968)

2 iştirak etməyib (1960, 1964)

Almaniya Demokratik Respublikasının (ADR) yığması isə 1960-cı ildən 1988-ci ilədək bütün Avropa birinciliklərində iştirak edib, lakin final mərhələsinə çıxmayıb. ADR həmçinin AVRO-92-nin püşkatmasında iştirak edib, ancaq 1990-cı ildə Almaniyanın birləşməsindən sonra turnirdən çıxıb.

AVRO-da oynanılan matçların sayına görə Almaniya millisinin liderləri

Final mərhələsindəki matçların sayına görə “Bavariya” və “Mançester Yunayted” klublarının yarımmüdafiəçisi Bastian Şvaynştayger yalnız Portuqaliya yığmasının lideri Kriştianu Ronaldudan geridə qalır.

18: Bastian Şvaynştayger (2004, 2008, 2012, 2016)

14: Filip Lam (2004, 2008, 2012)

13: Mario Qomes (2008, 2012, 2016)

13: Tomas Hesler (1992, 1996)

13: Yurgen Klinsman (1992, 1996)

13: Miroslav Kloze (2004, 2008, 2012)

AVRO-nun bütün dövrlərində Almaniya millisinin ən məhsuldar oyunçuları

5: Mario Qomes

5: Yurgen Klinsman

5: Herd Müller

4: Lukas Podolski

4: Rudi Feller

4: Diter Müller

Ayrı-ayrı AVRO-larda Almaniya millisinin ən məhsuldar oyunçuları

Herd Müller (1972), Diter Müller (1976), Klaus Allofs (1980) və Karl-Hayns Ridle (1992) final mərhələlərinin ən sərrastları olublar.

1972: Herd Müller (4)

1976: Diter Müller (4)

1980: Klaus Allofs (3)

1984: Rudi Feller (2)

Bakı Olimpiya Stadionu, arxiv şəkli
© AP Photo / Luca Bruno

1988: Rudi Feller (2)

1992: Karl-Haynts Ridle (3)

1996: Yurgen Klinsman (3)

2000: Mehmet Şoll (1)

2004: Mixael Ballak, Torsten Frinqs (1)

2008: Lukas Podolski (3)

2012: Mario Qomez (3)

2016: Mario Qomez (2)

AVRO-nun ayrı-ayrı matçlarında Almaniya millisinin ən məhsuldar oyunçuları

AVRO-nun tarixində səkkiz het-trikdən ikisini Almaniya (AFR) nümayəndələri ediblər.

3: Diter Müller (AFR – Yuqoslaviya 4:2, yarımfinal, 17.06.1976)

3: Klaus Allofs (AFR – Niderland 3:2, qrup mərhələsi, 14.06.1980)

AVRO-nun final mərhələlərinin sayına görə Almaniya yığmasının rekordçuları

Hələ heç kim AVRO-nun dörddən çox final mərhələsində iştirak etməyib. Kriştianu Ronaldu üçün AVRO-2020 beşinci ola bilər.

4: Lotar Matteus (AFR – 1980, 1984, 1988, 2000)

4: Lukas Podolski (Almaniya – 2004, 2008, 2012, 2016)

4: Bastian Şvaynştayger (Almaniya – 2004, 2008, 2012, 2016)

AFR/Almaniya millisinin AVRO-larda məşqçiləri kim olub?

Helmut Şön (Belçika – 1972), Yupp Derval (İtaliya – 1980) və Berti Foqts (İngiltərə – 1996) almanları Avropa çempionatlarında qələbəyə gətirib çıxarıblar. Yoahim Löv AVRO-larda milli komandaya digər məşqçilərdən daha çox rəhbərlik edib.

1972: Helmut Şön

1976: Helmut Şön

1980: Yupp Derval

1984: Yupp Derval

1988: Frans Bekenbauer

1992: Berti Foqts

1996: Berti Foqts

2000: Erix Ribbek

2004: Yurgen Klinsman

2008: Yoahim Löv

2012: Yoahim Löv

2016: Yoahim Löv