AVRO-2020: Bu gün final görüşü olacaq

© AFP 2023 / JUSTIN TALLISНападающий сборной Англии Гарри Кейн забивает второй гол сборной Англии во время 1/8 финала ЕВРО-2020 между сборными Англии и Германии на стадионе Уэмбли в Лондоне
Нападающий сборной Англии Гарри Кейн забивает второй гол сборной Англии во время 1/8 финала ЕВРО-2020 между сборными Англии и Германии на стадионе Уэмбли в Лондоне - Sputnik Azərbaycan, 1920, 11.07.2021
Abunə olmaq
Doğma arenasında qonaq qismində meydana çıxacaq İngiltərə millisi İtaliya ilə qarşılaşacaq və futbol üzrə 16-cı Avropa çempionu müəyyənləşəcək.

BAKI, 11 iyul - Sputnik. Bu gün ilin futbol bayramına - AVRO-2020-yə yekun vurulacaq.

Sputnik Azərbaycan xəbər verir ki, iyunun 11-də start götürən və Bakı da daxil olmaqla, 11 müxtəlif şəhərdə təşkil olunan qitə birincili bu gün başa çatacaq.

Final oyunu Londonda baş tutacaq. Doğma arenasında qonaq qismində meydana çıxacaq İngiltərə millisi İtaliya ilə qarşılaşacaq. Yarımfinal səddini çətinliklə keçən komandaların duelində 16-cı Avropa çempionu müəyyənləşəcək.

“Dumanlı Albion” təmsilçisi tarixində ilk dəfə final görüşünə çıxacaqsa, “Skuadra Adzurra” 4-cü finalında 2-ci zəfərini qazanmağa çalışacaq. İlk və yeganə Avropa çempionluğunu 1968-ci ildə əldə edən italyanlar 2000 və 2012-ci illərdə həlledici görüşlərdə yenilib. İtaliya millisi 53 illik həsrətə İngiltərədə yerli komandaya qarşı görüşdə son qoymağa çalışacaq.

AVRO-2020
Final
23:00. İtaliya – İngiltərə
Baş hakim: Byörn Kuypers (Niderland)
London. “Uembli” stadionu

 

Xəbər lenti
0